Sampe' Kenyah

Sampe' Kenyah

Asal Sampe' Kenyah memang telah dikenalpasti dalau udip le ke' Usun Apau sena-a'. Cen kena le petat tepun ngan Kayan ngan Penan, ilu lepa un ti sampe' di juko' le kua' dau budaya adet Tradisional le ngan Kayan. Tading tai le mecin Usun Apau, un majan lepo' le nta ti sampe' oban re tai buau ka' Alo Kayan. Cen Kena le tai buau ka' Alo Kayan, Bangsa KAyan un lepa tai buau ka' Alo Baliu. Nco pe tiga dau kayan ti sampe'.

Cen kena pengelata' tepun le Oko Ako naat amen bio' nai nanta' Lepo' ilu ke Usun Apau, memang un ne dau toyau-toyau du ti sampe' di boka du ramei kancet. Un amen tudok tiga je' tepun le Oko Ako' nebuat ja jane oban Ayau cen Rajah Brooke nak ke Usun Apau re.

Dalau udip du ke' usun Apau re, un dau bali dayung nai mesun neng kelonan dalau re kancet ngan ti sampe'. Un ca toyau sampe' je' tega dau toyau oban bali cuk ida ti jane Sampe' Urau. Kado' pe de' ca ilu nta tisen la-a oban sepanjang re mudip ida ikut dau amen tega ngan jaat. Juko' re beng buau ne ngan nta tetap neng ca tempat.

Pasukan Nekefoo

Belakang : Allen, amaitebun, Antau, Ayut, ...?.., Saing

Depan : ..?..., Sarang, ...?..., Chin,...Sadin Chin

Piala Krismas 2008, Data Kakus mendapat no. 4.

Pejagap

Boka le pisu keneng senganak le Pejagap, un kado' dau tanggapan du keneng ia. Un de' nak ia anak lepo' tau daru, un de' nak ia kelap lepo ngan anak bini ngan un pe de' nak ia mencam kancet ngan kado' kado' dau du neng ia. Je' ilu tisen ia asal e ca Lepo' Tau ngan penyeng tepun ngan Kenyah Badeng. Ia nai mudip kaeng Badeng un tega ngan ntaun yu penyala' ia ti ka' lepo' le. Du ngening pedau isu e. Ia ngeline' ka Long Biak ngan senganak le ka ngan un mepo du dalem pengamin re. Yu-yu adet le ia sokat baya'.
Keneng ramei-ramei, ia pe mangeh ale' ngan un ala' bahagian. Bokan du pancau ia tapi un dau e, ia memang semangat ale' keneng Kancet ne. melalui Kancet ne se' e bada' bangen tawai e me lepo' bana. Selain ja kado' sumbangan ia lepa ti me lepo' ilu oban ia sanggup tai kancet me sakai de' nai melawat lepo' le.
Ilu mung tisen ketai ukun kenai nanta' ia lo'te ji oo de', arap ilu nta tai perai ale' ia lah. Mepo lo'te Pejagap boka tai duncau ne seh kata e pegayeng.

SELAMAT PENGANTIN BARU

"AHLONG" & USUN GILAM

Tarikh: 31 January 2009

Tempat : Gereja Harvest, Methodist, Sibu. (Bahasa Cina)

Keluarga Pengantin Perempuan

Atas: Bersama Pengantin

Bwh ; Eyat, Lade, Gilam, Rum

Wedding dinner (Paramount Hotel)