Selamat Nai Nyakai Nyiau Udip Alai Layan

Selamat petego' me telu toyang alai layan, nai pemong jaie tawai oyan, lulo' songai lemon kanan. Bimpin tawai e' pekimet gaya' udip le sena-a' awang diman. Juko' dalem blog ji e' kelo' ke aung isu meno' sejarah lepo' ilu alai layan.

Anak Badeng Boleng Usa, Kelimpun keruyun ikem anak sekolah di, Uban bio’ teka’ tina me’ neng ikem, uban ikem nta ke tai menyo tai moo, Nyain ngko’ nyain nai kado’ lene de’ un penisen cen oma' abe' ka’ daleh pasen.

Cen Amai Tebun

05 Oktober, 2009

Sakit Kesuk Babui @ Chicken Pork




Sakit puu chicken pork atau baen le kenyah kidi ja ne Puu Kesuk Babui.
Dalem gaban ji, anak e' Rendy sio' sakit kesuk babui cen tanggal 28/09/2009 abe' naki ne. Un se' tading nai penyakit ji, beng puu timai ngan puu ja nai ngelatup mening seh. Nta majan nai e bio' ne tipo usa e cen belubung ulu abe' lalat taket te se' puu ja. Tai puu ji lapa telu tau, ja ne se' tai e pesu te' ca, te' ca. Oja ja tai bala ne seh keja. Boka le nak kicap me ida dalau ji de', tai saleng dau bekas puu ja oo badu.
keneng taban e, doktor nak taban sapu ngan antibiotik tua' le mia. Un dau taban je' tega baen dau du, nutung bulu yap ngan muso' ke' tipo usa re baan dau du. Un tepo-o, nta pe ilu ngulung iyap ilu ke nutung nak kidi.
Beleh ne baen Tuhan dau le ne keja...tai lo'teh nteng oo..

1 ulasan:

Tanpa Nama berkata...

jaten ale' kesuk babui ni...tiga na ilu sio' dalau ilu anak dumit, dalau sio' jinan le lata' ne..tusa ale'..